Serikali yaweka wazi utaratibu mpya vitambulisho vya taifa

Serikali imesema iko katika hatua za mwisho kukamilisha utaratibu wa kutoa vitambulisho vya utaifa utakaoondoa usumbufu kwa makabila yenye mwingiliano na makabila mengine yaliyopo nje ya Tanzania.

Akijibu swali la nyongeza, Mbunge wa Bunda (CCM) Boniface Getere bungeni leo, (Jumatano) Waziri wa Mambo ya Ndani Mwigulu Nchemba amesema utaratibu wa kutoa vitambulisho unafanywa na Mamlaka ya Vitambulisho vya Taifa (NIDA).

"Serikali kupitia NIDA ipo katika hatua za mwisho kuwapatia Watanzania vitambulisho vya utaifa, baada ya kupata vitambulisho kutakuwa hakuna usumbufu kwa makabila yenye mwingiliano,"amesema.

Getere amehoji ni lini usumbufu wanaoupata watu wa kabila la wajaluo katika jimbo lake wakati wa usajili wa vyeti vya kuzaliwa utaisha.

Amesema watu hao wamekuwa wakipata matatizo kutokana na kabila lao kuingiliana na wajaluo wa nchini Kenya.

Sambaza kwenye Google Plus

Kuhusu Anonymous

Hii ni Blog yenye jukumu la kukupasha habari za Mtanzania mwenye hali ya chini ambaye hajapata nafasi ya kutoa maoni yake.