 |
| Mkuu wa Mkoa wa Morogoro,Dk. Stephen Kebwe akizungumza na waandishi wa habari |
Na Mwandishi wetu
Baba mzazi wa mkulima Fabian Bago (22)aliyefariki dunia jana katika hospitali ya rufaa mkoa wa orogoro baada ya kupata kipigo kutoka kwa wafugaji wa jamii ya kisukuma ameitupia lawama ofisi za mkuu wa wilaya , mkuu wa mkoa na jeshi la polisi na kuzihusisha na kifo cha mwanaye.
Akiongea na waandishi wa habari nje ya chumba cha kuhifadhia maiti cha hospitali ya rufaa ya mkoa wa Morogoro ,Alan Bago alisema kuwa amezihusisha ofisi hizo kutokana na kupuuza malalamiko yao baina ya wakulima na wafugaji katika kijiji cha Kolelo kata ya Kolelo tarafa ya Mvuha wilaya ya Morogoro .
Bago alisema kuwa kuchelewa kwa viongozi hao kufanya utatuzi wa migogoro hiyo kunachangia kwa kiasi kikubwa jamii kutokwa imani nao na hivyo kupelekea kuchukua sheria mkononi.
Akizungumzia hali ya kutosikilizwa kwa malalamiko yao diwani wa kata hiyo ya Kolelo Erigius Mbena alisema kuwa yeye kwa upande wake analilalamikia jeshi la polisi mkoa wa Morogoro kutotoa ushirikiano wakaribu kwa wakulima na badala yake kukaa upande wa wafugaji .
“ kwa mfano leo hii baba wa marehemu analazimishwa kusema kuwa marehemu alipigwa na mkulima mwenzie na sio mfugaji “alisema Diwani huyo .
Alisema kuwa kulazimishwa kwa baba huyo ni dalili tosha kuwa kuna njama ya kuharibu ushahidi dhidi ya watuhumiwa .
Aidha alisema kuwa kufuatia kupuuzwa kwa malamiko hayo yeye akiwashirikisha wazee wa kijiji hicho wana mpango wa kuunda timu ya wazee na kwenda kumuona Rais Magufuli au Waziri Mkuu ili waweze kupata ufafanuzi wa matatizo yao.
Akielezea tukio hilo Mbena alisema, marehemu alifariki dunia Januari 3 saa 10 jioni, baada ya kupata kipigo januari mosi kutoka wafugaji wa jamii ya kisukuma wakati akiwa njiani kwenda kwenye sherehe ya harusi ya babu yake.
Alisema, marehemu huyo alikuwa na mwenzake aliyejulikana kwa jina la Japhet Banzi wakiendesha pikipiki walipishana na wasukuma hao wakawasikia wakiongea kilugha na baadae wakawavamia na kuanza kuwapiga kwa fimbo na mapanga.
Aidha alisema, matukio kama hayo yamekuwa yakitokea tangu mwezi wa 8 mwaka jana baada ya wafugaji kuvamia eneo hilo na kwamba mpaka sasa tayari kuna watu zaidi ya 28 wenye majeraha baada ya kupata vipigo kutoka kwa wafugaji hao.
“nimejitahidi kufikisha malalamiko hayo polisi lakini naishia kuwekwa ndani na baadae kutolewa kwa dhamana ya kujiwekea mwenyewe na siitwi tena kuendelea na kesi” alisema Diwani huyo.
Hata hivyo Mkuu wa mkoa wa Morogoro DK. Steven Kebwe alikana kuhusika na kuchangia kutokea kwa kifo hicho na kwamba jukumu la Serikali ni ulinzi na usalama na kupanga mipango ya mbalimbali inayoleta maendeleo.
Dk. Kebwe alisema, licha ya Serikali kuwa katika kuboresha mpango wa matumizi bora ya ardhi ili kuondoa migogoro ya wafugaji na wakulima lakini watu hao waliopigana hawakupigana eneo la mashamba bali barabarani labda ni kwa ajili ya ugomvi mwingine.
Naye Kamanda wa polisi mkoa wa Morogoro Ulrich Matei alisema ugomvi huo haukuwa wa mtu kukamata ng’ombe wa wafugaji bali walipigana barabarani na kwamba kufuatia tukio hilo mpaka sasa watu watano wameshakamatwa.
Alisema pia wameshaongeza nguvu kwa kupeleka askari zaidi kwenye kata hiyo licha ya kuwa ofisi ya Kituo cha polisi kuwepo eneo hilo na inaendelea kuwasaka watuhumiwa wengine waliohusika na tukio hilo.
Baba mzazi wa mkulima Fabian Bago (22)aliyefariki dunia jana katika hospitali ya rufaa mkoa wa orogoro baada ya kupata kipigo kutoka kwa wafugaji wa jamii ya kisukuma ameitupia lawama ofisi za mkuu wa wilaya , mkuu wa mkoa na jeshi la polisi na kuzihusisha na kifo cha mwanaye.
Akiongea na waandishi wa habari nje ya chumba cha kuhifadhia maiti cha hospitali ya rufaa ya mkoa wa Morogoro ,Alan Bago alisema kuwa amezihusisha ofisi hizo kutokana na kupuuza malalamiko yao baina ya wakulima na wafugaji katika kijiji cha Kolelo kata ya Kolelo tarafa ya Mvuha wilaya ya Morogoro .
Bago alisema kuwa kuchelewa kwa viongozi hao kufanya utatuzi wa migogoro hiyo kunachangia kwa kiasi kikubwa jamii kutokwa imani nao na hivyo kupelekea kuchukua sheria mkononi.
Akizungumzia hali ya kutosikilizwa kwa malalamiko yao diwani wa kata hiyo ya Kolelo Erigius Mbena alisema kuwa yeye kwa upande wake analilalamikia jeshi la polisi mkoa wa Morogoro kutotoa ushirikiano wakaribu kwa wakulima na badala yake kukaa upande wa wafugaji .
“ kwa mfano leo hii baba wa marehemu analazimishwa kusema kuwa marehemu alipigwa na mkulima mwenzie na sio mfugaji “alisema Diwani huyo .
Alisema kuwa kulazimishwa kwa baba huyo ni dalili tosha kuwa kuna njama ya kuharibu ushahidi dhidi ya watuhumiwa .
Aidha alisema kuwa kufuatia kupuuzwa kwa malamiko hayo yeye akiwashirikisha wazee wa kijiji hicho wana mpango wa kuunda timu ya wazee na kwenda kumuona Rais Magufuli au Waziri Mkuu ili waweze kupata ufafanuzi wa matatizo yao.
Akielezea tukio hilo Mbena alisema, marehemu alifariki dunia Januari 3 saa 10 jioni, baada ya kupata kipigo januari mosi kutoka wafugaji wa jamii ya kisukuma wakati akiwa njiani kwenda kwenye sherehe ya harusi ya babu yake.
Alisema, marehemu huyo alikuwa na mwenzake aliyejulikana kwa jina la Japhet Banzi wakiendesha pikipiki walipishana na wasukuma hao wakawasikia wakiongea kilugha na baadae wakawavamia na kuanza kuwapiga kwa fimbo na mapanga.
Aidha alisema, matukio kama hayo yamekuwa yakitokea tangu mwezi wa 8 mwaka jana baada ya wafugaji kuvamia eneo hilo na kwamba mpaka sasa tayari kuna watu zaidi ya 28 wenye majeraha baada ya kupata vipigo kutoka kwa wafugaji hao.
“nimejitahidi kufikisha malalamiko hayo polisi lakini naishia kuwekwa ndani na baadae kutolewa kwa dhamana ya kujiwekea mwenyewe na siitwi tena kuendelea na kesi” alisema Diwani huyo.
Hata hivyo Mkuu wa mkoa wa Morogoro DK. Steven Kebwe alikana kuhusika na kuchangia kutokea kwa kifo hicho na kwamba jukumu la Serikali ni ulinzi na usalama na kupanga mipango ya mbalimbali inayoleta maendeleo.
Dk. Kebwe alisema, licha ya Serikali kuwa katika kuboresha mpango wa matumizi bora ya ardhi ili kuondoa migogoro ya wafugaji na wakulima lakini watu hao waliopigana hawakupigana eneo la mashamba bali barabarani labda ni kwa ajili ya ugomvi mwingine.
Naye Kamanda wa polisi mkoa wa Morogoro Ulrich Matei alisema ugomvi huo haukuwa wa mtu kukamata ng’ombe wa wafugaji bali walipigana barabarani na kwamba kufuatia tukio hilo mpaka sasa watu watano wameshakamatwa.
Alisema pia wameshaongeza nguvu kwa kupeleka askari zaidi kwenye kata hiyo licha ya kuwa ofisi ya Kituo cha polisi kuwepo eneo hilo na inaendelea kuwasaka watuhumiwa wengine waliohusika na tukio hilo.
0 Michango:
Post a Comment