Wajue vigogo wanaoweza kutumbuliwa sakata la TRA

Rais wa Tanzania, John Pombe Magufuli

ZIKIWA zimepita siku 24 tangu Rais wa Jamhuri ya Muungano wa Tanzania Dk. John Pombe Magufuli atangaze kuvunja Bodi ya Wakurugenzi ya Mamlaka ya MapatoTanzania (TRA), Vigogo wa taasisi hiyo wamejisalimisha kwa Mkuu huyo wa nchi, huku likimweka matatani Gavana wa Benki Kuu ya Tanzania (BoT), Professa Benno Ndulu.

Uamuzi wa Rais Magufuli pia unaweka njiapanda Menejimenti ya TRA inayoongozwa na Kamishna wa TRA, Alphayo Kidata na kuwaweka katika mazingira magumu watendaji wengine wakuu ambao wanaingia katika bodi kwa mujibu wa nyadhifa zao, akiwemo Gavana Ndulu.

Vigogo wanaoweza kujikuta wakitumbuliwa ni Katibu Mkuu, Wizara ya Fedha na Mipango, Doto james na Katibu Mkuu Wizara ya Fedha(Zanzibar), Khamis Mussa ambao kwa mujibu wa sheria ya TRA ya 2006 kifungu cha 16 wanaingia kwenye bodi hiyo kwa mujibu wa nyadhifa zao.

Katika hotuba aliyooitoa kwenye mahafali ya 31 ya Chuo Kikuu Huria cha Tanzania (OUT), Rais Magufuli alisema uamuzi wa kutengua bodi hiyo unatokana na uamuzi wa chombo hicho kuidhinisha bilioni 26 kuweka kwenye akaunti za benki binafsi.

“Tumekuta fedha kiasi cha sh. Bilioni 26 zilizokuwa zimetolewa na TRA kwa ajili ya matumizi ya TRA, zikapelekwa kwenye benki tatu kama Fixed deposit Account na bodi TRA ikapitisha na ndiomaana nilipopata hizo taarifa fedha nikachukua na bodi kwa heri” alisema Rais Magufuli.

Sambaza kwenye Google Plus

Kuhusu Anonymous

Hii ni Blog yenye jukumu la kukupasha habari za Mtanzania mwenye hali ya chini ambaye hajapata nafasi ya kutoa maoni yake.