Umeme wakwamisha kazi uwanja wa ndege Pemba

Na Mwandishi wetu

WAJUMBE wa Kamati ya Mawasiliano na Ujenzi ya Baraza la Wawakilishi Zanzibar, wameeleza kushangazwa kushindwa kufanya kazi miradi mikubwa kutokana na kukosekana kwa umeme.

Mweyekiti wa Kamati hiyo Mhe. Hamza Hassan Juma ametoa kauli hiyo kutokana na uwanja wa Ndege kisiwani Pemba kwa baadhi ya kazi kusimama kutokana na kukosekana kwa umeme wa uhakika.

Amesisitiza kuwa haiwezekani kwa Serikali, wizara zinazohusika na uongozi wa uwanja huo kushindwa kutafuta transfoma maalum uwanjani hapo ili kuruhusu miradi mikubwa iliyopo iweze kufanya kazi kwa ufanisi mkubwa.

Akizungumzia suala hilo, Naibu Waziri wa ujenzi mawasiliano, na usafirishai Zanzibar Mohameda Ahmad ametoa rai kwa viongozi wa uwanja huo kujenga utamaduni kukutana na viongozi husika ili kutatua changanmoto zinazowakumba na sio kufanya mambo kienyeji enyeji.

Akitoa taarifa meneja wa Mamlaka ya viwanja vya ndege Pemba Rajab Ali Mussa, amesema kwa mwaka 2016 jumla ya abiria laki 1, mia moja 83 walihudumiwa ambapo kati yao abiria 50 elfu, mia 9 na 94 walishuka huku abiria 49 elfu, mia 1 na 89 wakiondoka.